Wong Kito Pacak Balek Kampung, Asak Galak Isolasi

0

Urban ID - Gubernur Sumatera Selatan, Herman Deru, bolehke wong kito yang sekarang lagi ado di daerah laen kalu nak balek kampung. Asak syaratnyo galak isolasi dulu selamo 14 ari. Syarat itu, ditujuke ontok galo-galo pemudik katek pengecualian. Cak itu jugo yang nak mudek ari rayo. Tujuannyo katek laen untuk mutuske mato rante penularan Covid- 19. “Itu ngerupoke syarat untuk yang nak balek ke Sumsel, dan aku tegeske harus disiplin samo diawasin. TNI-Polri pun melok berperan untuk itu, ” katonyo.

Perantau yang balek modek itu jugo harus melapor RT/RW di tempatnyo jadi pacak diawasi besamo, kareno statusnyo jugo jadi ODP selamo 14 ari. “Sejak semulo pas ado mahasiswa yang minta diizinke balek lewat DPR, kito sudah nanggepi. Tapi syaratnyo wong itu dikarantina dulu samo jadi ODP,” katonyo. Walopun cak itu, uji dio, ado baeknyo kalu perantau idak mudek dulu dang wabah COVID-19 mak ini ari, dan tetep ado di tempetnyo sekarang, selamo wabah masih nyerang secaro masif di Indonesia, demi keselamatan kito galo.
Sebelumnyo, Herman Deru jugo lah ngenjuk instruksi samo pihak berwenang mangko ngetetke pintu masuk ke Sumsel, termasuk jalur-jalur tikus, baek di darat ataupun di banyu. Cak belom lamo ini, seidaknyo 72 pemudik yang dateng ke Plembang liwat bandara SMB dibawak dulu ke ODP Center biar diperikso dan isolasi. Selaen itu, Deru jugo nekenke kalu infeksi COVID-19 bukan aib, corona itu justru ngundang batin tiap wong untuk ngulurke bantuan baek ke keluargo atau yang besangkutan langsung.
“Corona ni bukan aib, justru naluri batin kito diajaknyo untuk mbantu yang keno dampaknyo. Jadi jangan malu nak melapor, ” katonyo. (Abp/jrs)

LEAVE A REPLY

Please enter your comment!
Please enter your name here